Нэг. “БАТХҮЛЭГ” АВТОСУРГУУЛИЙН ХҮЛЭЭХ ЭРХ ҮҮРЭГ

• Сургалтыг тухайн ангиллын жолооч бэлтгэх сургалтын төлөвлөгөө, хичээлийн программын дагуу зохион байгуулж, явуулах бөгөөд дадлага туршлагатай багш нараар хичээл заалгана.
• Программт хичээлийг хичээл тус бүрээр 80-аас дээш хувь хангасан тохиолдолд улсын шалгалтанд оруулна. Хэрэв сургуулийн буруугаас хичээл тасарсан тохиолдолд нөхөн орох бөгөөд сонсогч өөрөө ирээгүй тохиолдолд тасарсан хичээлийг нөхөх үүрэг хүлээхгүй.
• Сургалтыг зохих шаардлагыг бүрэн хангасан анги танхим, автодром, техник хэрэгсэл, үзүүлэн, сургалтын автомашин, автотренажер явуулна.
• Сургалтын төгсгөлд сургуулийн урьдчилсан шалгалтыг зохих журмын дагуу явуулах бөгөөд урьдчилсан шалгалтын аль нэг хичээлд 3 удаа амжилтгүй дүн үзүүлсэн тохиолдолд улсын шалгалтанд оруулахгүй.
• “Батхүлэг” автосургууль нь сургалтын эхэнд сургалтын төлбөрийг авах ба уг төлбөр нь улсын шалгалт авсан эхний өдрөөр дуусгавар болно.
• Сургалтын явцад хичээлийн явц, чанарын талаар гарсан санал гомдлыг хүлээн авч, түргэн шуурхай шийдвэрлэн өгч байна.
• Хичээл эхлээд 3 хоногоос хойш (тушаал ЗЦГ-т өгсөнөөс хойш) гэрээ цуцлах асуудлыг хүлээж авахгүй бөгөөд сургалтын төлбөрийг буцаан олгохгүй.

Хоёр. СОНСОГЧИЙН ХҮЛЭЭХ ЭРХ, ҮҮРЭГ

• Программт хичээлд бүрэн хамрагдан сургалтын программыг хичээл тус бүрээр 80-аас дээш хувь хангасан байх.
• Багш нараас сургалтын талаар тавьсан шаардлагыг бүрэн биелүүлж, хичээл таслах, хожимдох асуудал гаргахгүй байх ба өөрийн ажил, хичээлийн цагийг зөв зохицуулах.
• Сургалтанд ашиглаж буй техник хэрэгсэл, анги танхим бусад өмч хөрөнгийг ариг гамтай эзэмшиж харьцах.
• Сургалтын автомашин, анги танхим, техник хэрэгсэл, зурагт болон биет үзүүлэнгүүдийг сургалтанд бүрэн ашиглах.
• Сургалтын явц, чанар, багш нарын зан харьцаа, ахуйн соѐлын талаар санал, гомдлоо компаний захиргаанд тавьж шийдвэрлүүлэх.
• Эрүүл мэндийн үзлэгээр 7 хоногийн дотор, цусны бүлгийг 2 хоногийн дотор тодорхойлуулж хуудсаа сургуульд авчирч өгсөн байх.
• Сонсогч сургалтын төлбөрөө хичээл эхэлсэн өдрөөс хойш 7 хоногийн дотор 100 хувь төлж дуусгасан байх.
• Сонсогч жолооны дадлагад явж байгаад аваар осол гаргасан тохиолдолд хариуцлага хүлээхгүй, харин багшийн эзгүйд дур мэдэн автомашиныг жолоодож байгаад аваар хийсэн үед хохирлыг 100 хувь хариуцна.
• Сонсогч автодромын шалгалт өгч байх үедээ автомашины аюулгүй байдлыг хариуцна.
• Улсын шалгалтыг сургууль дээрээ 3 удаа өгөх эрхтэй бөгөөд ямар нэгэн шалтгаанаар шалгалтанд бүрэн хамрагдаагүй тохиолдолд сургууль хариуцлага хүлээхгүй.